अर्जुनधारा । अर्जुनधारा नगरपालिकाको उपमेयर पदकी उम्मेदवार खड्गमाया पराजुलीले महिलाले आसन पाए सुशासन कायम हुने बताउनु भएको छ ।
नेकपा एमालेको तर्फबाट उपमेयर पदकी उम्मेद्वार बन्नुभएकी पराजुलीले आज अर्जुनधारा ३ मा आयोजित चुनावी कोणसभालाई सम्बोधन गर्दै यस्तो बताउनुभएको हो ।
उहाँले अहिलको परिस्थितिमा महिलालाई नेतृत्व गर्नकालागि आसन चाहिएको भन्दै आसन पाए भाषण गर्न सक्ने र भाषण गर्न जानेका महिलाले शासन गर्न सक्ने बताउदै महिलाले शासन गरे सहज रुपमा सुशासन कायम हुने बताउनु भएको हो ।
उहाँले अर्जुनधारामा सुशासन कायम गर्न नेकपा एमालेका तर्फबाट उम्मेदवार बनेका ५७ जना उम्मेदवारहरुलाई सूर्य चिन्हमा मतदान गरि विजयी गराउन समेत आग्रह गर्नुभएको थियो ।
कोणसभामा एमालेबाट ३ नम्बर वडाका वडाअध्यक्ष पदका उम्मेदवार हरि वाग्ले, मेयर पदका उम्मेदवार बलदेव गोम्देन तामाङ र एमाले झापा जिल्ला उपाध्यक्ष तथा संबिधानसभा सदस्य प्रेम गिरि लगायतका नेताहरुले नेकपा एमालेका उम्मेदवारहरुलाई सूर्य चिन्हमा मतदान गरि विजयी गराउन आग्रह गर्नुभएको थियो ।
यो पनि पढौँ ।
के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।
सम्पर्क नं. ९८१४९१४६६६, ९८५२६८९५७१
