बिराटनगर । नेपाल मुक्तक प्रतिष्ठान प्रदेश नं. १ शाखाले मुक्तककार मञ्जु घिमिरे दाहालद्वारा लिखित ‘चेतनाको तरङ्ग’ मुक्तक संग्रह विमोचन गरेको छ ।
सोमबार विराटनगरको खोटाङ सामाजिक सेवा मञ्चको सभा हलमा आयोजित एक कार्यक्रमका बिच संग्रह विमोचन गरिएको हो ।
शाखाका अध्यक्ष बाबुराम पोखरेलको अध्यक्षता आयोजित कार्यक्रममा प्रमुख अतिथि प्राज्ञ विवश पोखरेल, विशिष्ट अतिथिहरु प्राज्ञ दधिराज सुवेदी र गंगा सुवेदी, अतिथिहरु गजलकार मधु पोखरेल, साहित्यकार डा. देवी पन्थी, कृष्णप्रसाद भण्डारी मार्सेली, समीक्षक हरि कट्टेल लगायतबाट कृतिको संयुक्त रुपमा लोकार्पण गरिएको हो ।
राधा भट्टराईले स्वागत मन्तव्य राख्नु भएको कार्यक्रममा संग्रह माथि हरि कट्टेलले समिक्षा गनर्सभएको थियो । मुक्तककार मन्जुश्री गिरी, विनोद विवश, लक्ष्मी रायमाझी, लक्ष्मी स्मृति, राधिका गुरागाई, रोहिणी रसिक, सविना श्रेष्ठ, रिता पाठक, मदन भण्डारी लगायतले सङ्ग्रहभित्रबाट मुक्तक हरफहरु वाचन गर्नुभएको थियो ।
कार्यक्रमको संचालन भरत गुरागाईँ बर्बरिकले गर्नु भएको थियो ।
