1 2 3 4 5 6 7 8 9 10 11 12
Jhapa Khabar
२०८१ चैत्र २१ शुकर्बार

राजेन्द्रकुमार पोखरेल सम्मानित



झापा । राष्ट्रिय प्रजातन्त्र पार्टी जिल्ला कार्यसमिति झापाले कनकाई नगरपालिकाका नगर प्रमुख राजेन्द्रकुमार पोखरेललाई सम्मान गरेको छ ।

राप्रपाले नेपाल एकीकरणका महापुरुष श्री ५ पृथ्वीनारायण शाहको ३०१ औं जन्म जयन्तीका अवसरमा विविध कार्यक्रम गर्दै उहाँलाई सम्मान गरेको हो ।

कनकाई नगरपालिकाको कार्यालय जाने बाटोमा पृथ्वीनारायण शाहको पूर्णकदको सालिक निर्माण गराएर पृथ्वीनारायण शाहको दिव्योपदेश र नेपालीहरूलाई एकताको सूत्रमा बाँधिन प्रेरणा दिने तथा राष्ट्रिय अखण्डता र सार्वभौमिकताको भावना जीवित राख्न नगरपालिकाको तर्फबाट महान कार्य भएको भन्दै नगरप्रमुख पोखरेललाई राप्रपा झापाले सम्मान गरेको थियो ।

राष्ट्रिय प्रजातन्त्र पार्टी जिल्ला समिति झापाको आयोजना र राप्रपा क्षेत्र नं ४, कनकाई नगर समितिको संयोजनमा आयोजित कार्यक्रममा विभिन्न जातीय झाँकी समेत प्रस्तुत गरिएको थियो ।

यो पनि पढौँ ।

के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।

सम्पर्क नं. ९८१४९१४६६६, ९८५२६८९५७१

Comment