झापा । मोरङको सुन्दरहरैचामा मृत अवस्थामा भेटिएका दुई बालिकाकी आमा बिर्तामोडबाट पक्राउ परेकी छन् ।
आज बिहान उनी बिर्तामोडको सिटीसेन्टरबाट पक्राउ परेकी हुन् ।
भदौ १५ गते सुन्दरहरैँचा नगरपालिका–७ स्थित नारायण न्यौपानेको केराघारीभित्र धनकुटा घर भएका ३१ वर्षीय अर्जुन कार्कीका छोरीहरू ३ वर्षीया आयिका कार्की र १ वर्षीया अर्पणा कार्की मृत अवस्थामा फेला परेपछि आमा अन्जना न्यौपाने कार्की फरार भएकी थिइन् ।
हिजो साँझ सिटीसेन्टरस्थित एक घरमा बास माग्दा घरधनीले बास दिएका थिएनन् ।
त्यसको जानकारी पाएर इलाका प्रहरी कार्यालय बेलबारी र इलाका प्रहरी कार्यालय बिर्तामोडको टोलीले खोजी गरेको थियो । तर, उनी राति भेटिइनन् ।
आज बिहान करिव ५ बजे सिटीसेन्टरमै बेलबारी प्रहरीको टोलीले उनलाई फेला पारी मोरङतर्फ लिएर गएको बिर्तामोडका डीएसपी प्रकाश विष्टले जानकारी दिए ।
ती दुई बालिकालाई विष खुवाएर हत्या गरिएको आशंका गरिएको छ ।घटना भएको ५ दिनपछि अस्वस्थ्य अवस्थामा फेला पारेर अस्मितालाई उपचारका लागि विराटनगरको कोशी अस्पताल लगिएको छ ।
नयाँ पेपरबाट
यो पनि पढौँ ।
के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।
सम्पर्क नं. ९८१४९१४६६६, ९८५२६८९५७१
