झापा । छुरा हानेर झापाको बिर्तामोडमा एकजना महिलाको हत्या भएको छ । इलाम फिक्कल घर भएकी १९ वर्षीया मनिषा लोहारको महानन्द चोकमा छुरा हानेर हत्या गरिएको हो ।
घाँटी, छाती र कोखमा छुरा हानेर लोहारको हत्या गरिएको भेटिएको प्रहरीले जनाएको हो । घटनामा संलग्न भएको आरोपमा कैलालीका २० वर्षीय अनिल बिक पक्राउ परेका छन् ।
छुरा प्रहारबाट घाइते भएकी लोहारलाई उपचारका लागि बीएण्डसी अस्पताल लगिएको थियो । छुरा प्रहार गर्ने विक पनि घाइते भएको प्रहरीले जनाएको छ ।
विकलाई उपचारका लागि बिर्ता सिटी अस्पताल भर्ना गरिएको छ । स्थानीयले प्रतिकार गर्दा विक घाइते भएका हुन् । घटनाका विषयमा अनुसन्धान सुरु गरिएको बिर्तामोडका डीएसपी प्रकाश बिष्टले बताए ।
स्पीक कर्नरबाट
