झापा । झापाको कन्काई नगरपालिका वडा नम्बर ४ मा रहेको कन्काई सामुदायिक क्याम्पसको ३५ औँ वार्षिकोत्सव तथा खेलकुद तर्फको पुरस्कार वितरण कार्यक्रम सम्पन भएको छ ।
क्याम्पस प्रमुख बिकास उप्रेतीको सभापतित्व तथा कोशी प्रदेशका खानेपानी, जलस्रोत तथा सिंचाइ मन्त्रीे एकराज कार्कीको प्रमुख आतिथ्यतामा सम्पन्न कार्यक्रममा संविधानसभा सदस्य तथा नेकपा एमाले जिल्ला कमिटी झापाका अध्यक्ष प्रेम गिरी विशिष्ट आतिथ्यता रहेको थियो ।
प्रमुख अथितिले पानसमा दिप प्रज्वलन गरि उद्घाटन गर्नुभएको कार्यक्रममा क्याम्पसका प्रमुख उप्रेतीले विद्यालयका गतिविधिबारे जानकारी गराउनुभएको थियो ।
कार्यक्रममा केहि दिन अघि सम्पन्न फुटबल, भलिबल, क्रिकेट तथा गायन प्रतियोगिताका प्रथम, द्वितीय तथा तृतीय स्थान हासिल गर्ने विद्यार्थीहरुलाई पुरस्कार वितरण सहित बिविध सांस्कृतिक कार्यक्रम सम्पन्न गरिएको थियो ।
