झापा ।   झापाको बिर्तामोड नगरपालिका वडा नं. ७ अन्तर्गत पर्ने गरामनी बजारबाट उत्तरतर्फको बाटो चौँडा गर्ने काम सुरु भएको छ ।

स्थानिय देवि राजबंशीको घरबाट उत्तर करिब ३ सय ४० मिटर साँघुरो सडकलाई प्लम निर्माण सहित चौँडाको काम सुरु गरिएको हो ।

वडा कार्यालयको बजेटमा सुरु भएको यो कामको योजना पूर्व वडाध्यक्ष समेत रहेका देवी राजवंशीले चौँडाका लागि जग्गा उपलब्ध गराई बनाउनुभएको थियो ।

सोही योजना वर्तमान वडाध्यक्ष अबिरल कृष्ण खरेलको नेतृत्वमा कार्यान्वयन गरिएको हो ।

निर्माणका लागि वडा कार्यालयको ५ लाख रुपैयाँ र उपभोक्ताको १ लाख २३ हजार ७ सय ७९ रुपैयाँ बराबरको जनसहभागिता गरि जम्मा ६ लाख २३ हजार ७ सय ७९ रुपैयाँ समेटिएको छ ।

वडा कार्यालयको पहलमा सुरु भएको यो योजना २०८१ साल माघ १६ गतेबाट कार्यान्वयनमा आएको हो भने चैत १६ गतेभित्र सम्पन्न गर्ने लक्ष्य राखिएको उपभोक्ता समितिका अध्यक्ष डिल्लीराम न्यौपानेले बताउनुभयो ।

उहाँले निर्माण कार्य तोकिएको समयमा सम्पन्न गरिने जानकारी दिए ।

वडाध्यक्ष अबिरल कृष्ण खरेलले साँघुरो सडकका कारण स्थानीयलाई समस्या परेकाले त्यसलाई व्यवस्थित बनाउन यो योजना अघि बढाइएको बताउनुभयो ।

उहाँले निर्माणलाई गुणस्तरीय र समयमै सम्पन्न गरिने प्रतिबद्धता समेत जनाउनुभयो ।

स्थानीय बासिन्दाले सडक सुधारको काम अघि बढेकोमा खुशी व्यक्त गर्दै वडा कार्यालयलाई धन्यवाद दिएका छन् ।