झापा । झापाको बिर्तामोड नगरपालिका वडा नं.६ स्थित बुट्टाबारीमा ‘तेस्रो बुट्टाबारी च्यालेञ्ज कप’ फुटबल प्रतियोगिता आयोजना हुने भएको छ ।
बुट्टाबारी युनाइटेड क्लबलको आयोजनामा हुने प्रातियोगिता आगामी फागुन २० गतेदेखि सञ्चालन हुने बुट्टाबारीस्थित हरियाली खेल मैदानमा आयोजित पत्रकार सम्मेलन गरेर जानकारी दिइएको हो ।
प्रतियोगितामा कोशी प्रदेशका ८ वटा टिमको सहभागिता रहने क्लबका अध्यक्ष हिमाल कन्दङ्वाले बताउनु भयो ।
प्रतियोगितामा आयोजक बुट्टाबारी युनाइटेड क्लब, गाईघाट युनाइटेड क्लब, बिराटनगर सिटी एफसी, न्यु स्टार क्लब सुनसरी, रेडबर्ष फु्टबल क्लब इलाम, लेटाङ फुटबल क्लब मोरङ, शनिश्चरे फु्टबल क्लब झापा र बगान युथ क्लब झापाको सहभागिता रहने अध्यक्ष कन्दङ्वाले जानकारी दिनुभयो ।
प्रतियोगिताको बिजेताले २ लाख २ हजार २ सय २२ रुपैयाँ नगद र उपविजेताले १ लाख १ हजार १ सय ११ रुपैंयाँ नगद सहित आकर्षक ट्रफी पाउने छन् ।
प्रतियोगिताको बेस्ट प्लेयरलाई १५ हजार, उच्च गोलकर्तालाई १० हजार १ सय, राइजिङ प्लेयरलाई १० हजार र बेस्ट गोलकिपरलाई १० हजार रुपैंयाँ नगद पुरस्कार प्रदान गरिने छ ।
प्रत्येक दिनको प्लेयर अफ द म्याचलाई ३ हजार रुपैंयाँ नगद पुरस्कार प्रदान गरिने आयोजकले जनाएको छ ।
पत्रकार सम्मेलनका प्रमुख अतिथी बिर्तामोड नगरपालिका वडा नं. ६ का वडाध्यक्ष सुर्यकुमार कन्दङ्वाले बुट्टावारी युनाइटेड खेल क्षेत्रसँगै सामाजिक काममा समेत क्रियाशिल रहेको बताउनुभयो ।
उहाँले खेलसँगै स्वास्थ्य, शिक्षा, सरसफाई, वृक्षरोपण, सचेतना मुलक कार्यक्रमहरु आयोजना गर्दै अगाडी बढिरहेकोमा संस्थालाई धन्यवाद दिनुभयो ।
त्यस्तै, झापा जिल्ला फुटबल संघका अध्यक्ष भगिरथ आले मामाले सानो ठाँउमा खेल मैदानको व्यवस्था गरेर खेलाडीहरु उत्पादन गर्दै झापाली फुटबलको विकासमा सहयोग पुर्याएकोमा क्लबालाई धन्यवाद दिदै आफूले सकेको सहयोग गर्ने प्रतिवद्धता जनाउनु भयो ।
प्रतियोगिता सम्पन्न गर्न १९ लाख ५० हजार रुपैंयाँ लागत अनुमान गरिएको छ ।
यसअघि झापा जिल्ला भित्रका क्लबको सहभागितामा प्रतियोगिता आयोजना हुँदै आएकोमा यो बर्षदेखि कोशी प्रदेश भित्रका क्लबहरुलाई सहभागी गराइएको अध्यक्ष कन्दङ्वाले जानकारी दिनुभयो ।
बिर्तामोड नगरपालिका–६ को हरियाली खेल मैदानमा हुने प्रतियोगिताका लागि वडा नम्बर ६ ले २ लाख, बिर्तामोड नगरपालिकाले २ लाख रुपैंयाँ प्रदान गर्ने जानकारी दिइएको छ ।
प्रतियोगिताको सह–आयोजकमा हरियाली सामुदायिक वन र ६ नं. वडा कार्यालय रहेको छ ।
यो पनि पढौँ ।
के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।
सम्पर्क नं. ९८१४९१४६६६, ९८५२६८९५७१
