झापा । झापामा पत्रकार विनोद पण्डेको नेतृत्वमा पर्यटन पत्रकार मञ्च गठन भएको छ।
बिर्तामोडस्थित विराटपोखरी सरोवर बहुउद्देश्यीय विकास समितिको सभाहलमा आयोजित एक कार्यक्रममा पण्डेको अध्यक्षतामा मञ्चको तदर्थ समिति चयन गरिएको हो।
समितिमा पुष्प बराल उपाध्यक्ष, हिमाल खरेल सचिव, नारायण अर्याल सहसचिव र प्रकाश बानियाँ कोषाध्यक्षका रूपमा चयन भएका छन्।
त्यस्तै, इन्द्रजीत मुखिया, प्रेम आचार्य, विष्णुकुल श्रेष्ठ र धर्मराज प्रसाईं सदस्य रहेका छन्।
मञ्च गठनसँगै झापाको पर्यटन प्रवर्द्धन, समस्या समाधान र आगामी योजना विषयमा सरोकारवाला निकायहरूसँग छलफल गरिएको छ।
छलफल कोशी प्रदेश सरकारले घोषणा गरेको भ्रमण वर्ष २०८२ लाई लक्षित गरी सञ्चालन भएको बताइएको छ।
कार्यक्रममा पर्यटन कार्यालय काँकडभिट्टाका प्रमुख छविलाल खतिवडा, बिर्तामोड-३ का वडाध्यक्ष मदन बुढाथोकी, नाट्टा कोशी प्रदेशका महासचिव नविन खरेल, होटल व्यवसायी संघ झापाकी अध्यक्ष इन्दिरा श्रेष्ठ, महासचिव शिवराज पौडेल, नेपाल पत्रकार महासंघ झापा शाखाका अध्यक्ष एकराज गिरी, विराटपोखरी सरोवर बहुउद्देश्यीय विकास समितिका अध्यक्ष इन्द्रप्रसाद प्रसाईं लगायतले पर्यटन प्रवर्द्धनमा जोड दिएका थिए।
स्थानीय पर्यटकीय स्थलको डिजिटल प्रवर्द्धन, होटल तथा व्यवसायिक केन्द्रहरूमा जानकारीमूलक सूचना तथा तस्बिर राख्ने, ग्रामीण पर्यटनलाई प्राथमिकता दिने जस्ता विषय छलफलको केन्द्रमा रहेका थिए।
पालिका सन्देशबाट
यो पनि पढौँ ।
के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।
सम्पर्क नं. ९८१४९१४६६६, ९८५२६८९५७१
