1 2 3 4 5 6 7 8 9 10 11 12
Jhapa Khabar
२०८१ चैत्र २० बिहिबार

नेपाल अडिटर्स एशोसिएसन झापाको अध्यक्षमा बूढाथोकी



झापा ।   नेपाल अडिटर्स एशोसिएसन झापाको अध्यक्षमा पर्शुराम बूढाथोकी सर्वसम्मत निर्वाचित हुनुभएको छ ।

शुक्रबार सम्पन्न नेपाल अडिटर्स एशोसिएसन ( अडान ) झापाको ७ औं जिल्ला अधिवेशनबाट बूढाथोकी निर्वाचत हुनुभएको हो ।

समितिको उपाध्यक्षमा चिरेन्जीवी नेपाल, सचिवमा खिवलाल अधिकारी, सहसचिवमा वाबूराम पोखेल, कोषाध्यक्षमा डम्बर बहादुर सुब्बा सहित १५ सदस्य समिति सर्वसम्मत निर्वाचित भएको हो।

अडानका केन्द्रिय अध्यक्ष केदारनाथ पौडेलको प्रमुख आतित्यमा सम्पन्न सो कार्याक्रममा विशेष अतिथिको रुपमा अडानका तृतिय उपाध्याक्ष झलक मणि लम्साल रहनुभएको थियो ।

कार्यक्रममा अडान उपाध्यक्ष तथा लेखामान वार्ड सदस्य पोषराज नेपाल, अडान उपाध्याक्ष प्रदिप कुमार यादव उप महासचिव हरि वहादुर कार्की, कोषध्यक्ष बलराम चौधरी, प्रदेश उपाध्यक्ष खडानन्द गुरागाईले अधिवेशनको सफलताको शुभकामना राख्नु भएको थियो ।

अडानका तर्फबाट ICAN पार्षदमा रहि सदस्यहरुको हकहितको संरक्षण तथा थप अधिकारको पक्षमा खेल्नु भएको मूमिकाको लागि ICAN पार्षद झलकमणी लम्साल, प्रदिप कुमार यादव, हरी बहादूर कार्की र भरतलाल श्रेष्ठलाई दोसल्ला ओडाई कदर तथा सम्मान साथ मायाको चिनो उपहार प्रदान गरिएको थियो ।

उक्त कार्यक्रममा संस्थाको स्थापनाकाल देखि हाल सम्म संस्थालाई सवल बनाउन योगदान गर्ने संस्थाका केन्द्रिय सल्लाहकार मोहन सिवाकोटी, झापाका पूर्व अध्यक्ष चूडामणि चिमरीय तथा हरि किशोर आचार्य र जेष्ठ सदस्य गोविन्द प्रसाद मिश्रलाई कदर तथा सम्मान गरिएको थियो ।

कार्यक्रमका प्रमुख अतिथि तथा केन्द्रिय अध्यक्ष केदार नाथ पौडेलले मूलुकको आर्थिक विकासमा लेखा तथा लेखापरीक्षणको महत्व, पेशागत दक्षताको अभिवृद्धि एवम् आपसी एकता कायम राख्दै आफनो पेशा प्रति उत्तरदायि, अनुशासित हुन सदस्यहरुलाई सजग गराउनुभयो ।

अध्यक्ष होमनाथ उप्रतिको अध्यक्षतामा सम्पन्न भएको सो कार्यक्रममा स्वगत मन्तब्य खिवलाल अधिकारी गर्नुभएको थियो भने, सचिव पर्शुराम बूढाथोकीले उक्त कार्यक्रम संचालन गर्नुभएको थियो ।

नव निर्वाचित अध्यक्ष बूढाथोकीले संस्थालाई अझ प्रभावकारी रुपमा अघि बढाउने, सदस्यहरुको हक हितको रक्षा गर्दै पारदर्शिता र व्यावसायिक विकासमा ध्यान दिई सहकार्यका साथ काम गर्ने प्रतिवद्धता व्यक्त गर्नुभयो ।

यो पनि पढौँ ।

के तपाई झापाको बिर्तामोड नगरपालिका अन्तरगत गरामनी क्षेत्रमा कम्प्युटर सिक्ने ठाउँको खोजीमा हुनुहुन्छ ? त्यसो हो भने गरामनी बजारमा रहेको स्मार्ट कम्प्युटर इन्स्टिच्युट तपाईले खोजेको ठाउँ हो ।

सम्पर्क नं. ९८१४९१४६६६, ९८५२६८९५७१

Comment