काठमाडौं – नेपाली सिरियल झुसे बकम्फुसे गत महिनाबाट रिलिजभइ छोटो समयमा दर्शकको मन जित्न सफल भएको छ । समय सान्दर्भिक कथा बस्तुले सबै कलाकारको अभिनय अत्यन्तै उत्कृष्ट देख्न सकिन्छ ।कलाकारद्वय कृष्ण भिर शिवशरण खड्काको कथा लेखन तथा निर्देशनमा बनेको कथालाई रिया लिम्बूले निर्माण गरेकी हुन् ।
नयाँ तथा पुराना पुस्ताका कलाकारहरुको अभिनय देख्न सकिने सिरियलमा कलाकारहरू बरिष्ठ कलाकार उत्तम के.सी , रश्मि भट्ट , कृष्ण खड्का , लक्ष्यमण बस्नेत , सन्ध्या सुबेधी , कृष्ण भिर , शिवशरण खड्का , रिया लिम्बु , प्रलाद लामिछाने , डिपि गडसन , युगज्योती, बालकलाकारहरुमा एलिजा खड्का, एलिना खड्का ,मन्जिला बुढाथोकी , एन्जिला रिमाल लगायतको अभिनय देख्न सकिन्छ भिडियो छायांकन तथा सम्पादन दिप सागरले गरेका हुन। संगीत संयोजन मनोज साङ्सोङ राईको रहेको छ भने अन्लाईन सपोर्ट बिशाल राईको रहेको छ। प्रत्येक बुधबार ६:३० बजे GJK ENTER10 NEPAL मा गत महिना बाट प्रशारण हुँदै आएको छ । मिडिया पार्टनर दर्पण नेपाल रहेको कुरा सह- निर्देशक शिवशरण खड्काले जानकारी गराउनु भयो । युटुबमा मात्रै प्रसारण हुँदै आएकाे सिरियल आपसी समझदारी भएमा चाडै टेलिभिजनमा समेत प्रशारण गर्ने कुरा कलाकार तथा निर्देशक कृष्ण भिरले जानकारी दिनुभयो यस अघि करिब आधा दर्जन बढी सिरियल गरिसक्नु भएका कलाकार कृष्ण भिरले गोलमाल , जे होला होला , मेरो कथा ,कान्छी , टेन्सन साफ, माउसुली लगायत रहेकाछन् यस सिरियलमा आफै निर्देशनको भुमिकामा रहनुभएको छ ।
