बिर्तामोड । राष्ट्रिय युवा संघ नेपाल बिर्तामोड वार्ड नं ३ को आयोजनामा बिराटपोखर क्षेत्रमा बृहत् सरसफाइ कार्यक्रम सम्पन्न भएको छ ।
आफ्नो वार्ड भित्र रहेको धार्मिक तथा पर्यटकिय क्षेत्रलाइ सधै सफा राख्नु पर्छ भन्ने धेयका साथमा वार्ड कमिटी सँगै राष्ट्रीय युवासंघ नेपालको नगरकमिटी र अग्रज नेताहरुको उपस्थितिमी सरसफाइ कार्यक्रम राखिएको संघका ३ नम्बर वार्ड कमिटी अध्यक्ष कृष्ण बारकोटिले बताउनुभयो ।
यो सँगै संघको नगरकमिटिको अगुवाइमा बिभिन्न वार्ड कमिटिले बृक्षारोपण, सरसफाइ लगायतका कार्यक्रम गर्दै आएको छ ।
यसका साथै डेङ्गी नियन्त्रणका लागि सरसफाइ लगायता अन्य थुप्रै कार्यक्रम गर्न युवाहरु जुट्नु पर्ने र ती कार्यक्रमलाइ निरन्तरता दिने बताउँदै नगरकमिटी अध्यक्ष रोहित ओलिले त्यसको नेतृत्व युवासंघले गर्ने बताउनुभयो ।
सरसफाइ कार्यक्रममा बोल्दै बिर्तामोड, बारदशी, बुद्दशान्तीका युवाहरुका उत्प्रेरक तथा राष्ट्रिय युवासंघ नेपालका केन्द्रीय सदस्य खगेन्द्रराज आङ्दाम्बेले समाजसेवा र सामाजिक धरोहरहरुको बचावट र सजावटमा युवाहरु नै लाग्नुपर्ने बताउनुभयो ।
बिकृती र बिसंगती लाई खबरदारी गर्दै राम्रा कामको प्रचार गर्ने नेतृत्व युवाले गर्दै जानुपर्ने बताउनुभयो ।
साथै कार्यक्रममा बिर्तामोड नगर खेलकुद समितिका अध्यक्ष बिकास गिरिले सामाजिक काम सँगै युवालाइ खेलकुदमा समेत जोड्नुपर्ने बताउनुभयो ।
कार्यक्रममा नेकपा एमाले बिर्तामोड नगर कमिटी अध्यक्ष सुभास भट्टराइ, उपसचिव तथा बिर्तामोड ३ का वार्ड अध्यक्ष मदन बुढाथोकी, उपसचिव प्रकाश लिङ्देन, तथा राष्ट्रिय युवा संघ नेपालका केन्द्रीय सदस्य खगेन्द्र राज आङ्दाम्बे लगायत पार्टी तथा राष्ट्रिय युवासंघका नगर तथा वार्ड कमिटिका पदाधिकारिहरुको उपस्थिती रहेको थियो ।
