झापा । बिर्तामोड ७ मा जारी दोश्रो वडा टोल स्तरिय फुटबल प्रतियोगिताको सोमबारको खेलमा पानी ट्याङ्की टोल विकास संस्था बिजयी भएको छ ।
खालबाडी रेखा टोल विकास संस्थालाई १-० गोल अन्तरले पछि पार्दै पानी ट्याङ्की बिजयी भएको हो ।
श्री शहीद नेत्र पार्कको प्राङ्गणमा रहेको छिमेकी युवा संस्थाको खेल मैदानमा आयोजित ऐतिहासिक दोश्रो वडा टोल स्तरिय फुटबल प्रतियोगिता सोमबार दुई वटा खेल भएका थिए ।
दोश्रो खेलमा फक्तलुंग टोल विकास संस्थालाइ ३-० गोलको अन्तरले पछि पार्दै सिरिजङ्गा टोल विकास संस्थाले जीत हात पारेको थियो।
यस्तै मंगलबारको पहिलो खेल सिमसार टोल विकास संस्था र पानी ट्याङ्की टोल विकास संस्था बीच हुनेछ। दोश्रो खेल सिरिजङ्गा टोल विकास संस्था र सीताराम टोल विकास संस्था बीच हुने आयोजकले जनाएको छ ।
सोमबारको कार्यक्रम सुजित सिंह कार्कीको सभापतित्व तथा विर्तामोड नगरपालिका वडा नम्बर -७ का वडाअध्यक्ष अविरल कृष्ण खरेलको प्रमुख आतिथ्यता भएको थियो ।
