झापा । झापाको बिर्तामोड नगरपालिका वडा नं. ७ मा रहेको न्यू स्टार क्लबले हाल सम्म प्राप्त गरेका कप, सिल्ड तथा पदकहरु वडा कार्यालयमा हस्तान्तरण गरिएको छ ।
क्लबले राष्ट्रिय तथा अन्तराष्ट्रिय स्तरका विभिन्न स्थानहरुबाट जित हासिल गरी प्राप्त भएका पुरस्कार वडा अध्यक्ष अविरल कृष्ण खरेल मार्फत वडा कार्यालयलाई हस्तान्तरण गरिएको हो ।
सो अवसरमा न्यू स्टार क्लबका अध्यक्ष कृष्ण प्रसाद लिम्बु, झापा जिल्ला फुटबल संघका सदस्य बुधराज लिम्बु, न्यू स्टरा क्लबका सचिव सरोज न्यौपाने, क्लबका सदस्य तथा खेलाडिहरु तथा सामाजिक व्यक्तित्वहरु निलम पकुवाल, भानु प्रसाद खरेल समेतको उपस्थिती रहेको थियो।
सो अवसरमा बिर्तामोड नगरपालिका वडा नं. ७ का वडा सचिव प्रविन पौडेल तथा वडाका कर्मचारीहरुको समेत उपस्थिती रहेको थियो ।
साथै न्यू स्टार क्लबका अध्यक्ष तथा सामाजिक व्यक्तित्व कृष्ण प्रसाद लिम्बुको आज पर्न गएको जन्मदिनको उपलक्षमा वडा कार्यालयको तर्फबाट उहाँको उत्तरोत्तर प्रगति तथा सुस्वास्थ्यताको कामना समेत गरिएको थियो ।
