झापा । झापाको कमल गाउपालिका स्थित केर्खा बजार तनाबग्रस्त बनेको छ ।
आज साँझ रात्रि बसको ठक्करबाट हजुरबुवा र नातिनीको घटनास्थलमै मृत्यु भएपछी स्थानियबासिले प्रहरी चौकिमा आगजनीको प्रयास गरिरहेका छन् ।
प्रहरिले अश्रु ग्यास प्रहार गरेको छ । आक्रोशित स्थानीयले बसका चालकलाई नल्याउजेलसम्म सडकबाट शव उठाउन नदिने अडान लिएका छन् । उनीहरूले राजमार्ग समेत अवरुद्ध पारेका छन् ।
पूर्वबाट काठमाडौँतर्फ जाँदै गरेको रात्रि बसले इलेक्ट्रिक साइकललाई ठक्कर दिँदा उनीहरूको मृत्यु भएको प्रहरीले जनाएको छ । मृतकहरूको नाम र थर भने खुलेको छैन ।
अहिले घटनास्थलमा ठुलो सङ्ख्यामा प्रहरी परिचालन गरिएको छ । राजमार्ग अवरुद्ध हुँदा सवारीसाधनको लामबद्ध लाइन लागेको जनाइएको छ ।
