झापा । हल्दिबारी गाउँपालिका वडा नं. ३ ले ढडुवा युवा क्लब परिवारलाई क्रिकेट सामाग्री हस्तान्तरण गरेको छ ।
वडामा खेलकुदको बिकासका लागि वडा कार्यालयले क्लबलाई जर्सी, बल,ब् याट र प्याड लगायतका क्रिकेटका सम्पुर्ण सामाग्री हस्तान्तरण गरेको हो ।
क्लबमा सामाग्री प्राप्त भएसँगै क्लबले पनि ति सामान खेलाडीहरुलाई सामाग्री हस्तान्तरण गरेको क्लबका अध्यक्ष कुल बहादुर न्यौपानेले बताउनुभयो ।
वडा भित्र क्रिकेटको विकासकालागि वडा कार्यालय र क्लबले खेलाडीका लागि खेल मैदान मर्मत गरिदिएसँगै सामाग्री हस्तान्तरण गरेको हो ।
सामाग्री हस्तान्तरण कार्यक्रममा वडा अध्यक्ष बिष्णु ओली, वडा सदस्य अजित बिष्ट, कर्ण भण्डारी, क्लबका अध्यक्ष र खेलाडीहरुको उपस्थिति रहेको थियो ।
खेलाडीहरुले वडा कार्यालय र क्लबलाई धन्यवाद ज्ञापन गरेका थिए ।
वडा भित्रको खेलकुद क्षेत्रको विकासका लागि आफुहरु तत्पर रहेको र वडा भित्रका क्रिकेट खेलाडी तथा खेल प्रेमी सबैलाई साविक जलथल १ मा रहेको खेल मैदानमा अभ्यासका लागि उपस्थिति हुन समेत सबैलाई जानकारी गराएको क्लबका अध्यक्ष न्यौपानेले जानकारी दिनुभयो ।
